Mae Inc yn cyfieithu i rai o sefydliadau a chwmnïau mwyaf blaenllaw Cymru fel y gwelir o’r rhestr gleientiaid. Mae’n gwmni yn cael ei redeg yn hollol broffesiynol, sydd wedi hen ennill ei blwyf ac ennill enw da yn y byd cyfieithu. Gellir rhoi pris sefydlog am gyfieithu o fewn amrant, dros y ffôn neu drwy e-bost.

Cyfieithu proffesiynol o’r safon uchaf

Cewch eich dogfennau wedi’u cyfieithu’n gyflym iawn i’r safonau uchaf posib. Bydd y cyfieithiad, o’r Saesneg i’r Gymraeg neu fel arall, yn adlewyrchu arddull y testun gwreiddiol ac yn gyfan gwbl ddealladwy. Os ydych angen cyfieithu ar frys, neu gyngor am sut i fodloni goblygiadau statudol cyfieithu yng Nghymru, gallwn ni eich helpu.

Pwy ydym ni?

Sefydlwyd Gwasanaeth Cyfieithu Inc yn 2001 gan ŵr a gwraig, Wil a Sue Roberts, a ffurfiwyd cwmni cyfyngedig, Inc Cyfieithu Cyf yn 2007. Mae’n cynnig cyfieithiadau o’r ansawdd gorau o’r Saesneg i’r Gymraeg ac fel arall.

Mae pob un o gyfieithwyr Inc yn hynod o brofiadol a chyflogir cyfieithwyr cymwysedig, proffesiynol, llawrydd eraill yn ôl y gofyn, pob un yn aelodau o Gymdeithas Cyfieithwyr Cymru, y corff sy’n gosod safon cyfieithu yng Nghymru, a phob un hefyd yn gorfod bodloni system rheoli ansawdd lem Inc.

Sue Roberts yw’r Rheolwr Gyfarwyddwr y cwmni a Wil Roberts yw’r Prif Gyfieithydd.

Rheoli Ansawdd

Mae gan Inc system rheoli ansawdd lem. Darllenir pob cyfieithiad ar sgrîn, fe’i prawf ddarllenir gan gyffeithydd arall ar bapur a bydd y cyfieithydd gwreiddiol yn ei ddarllen ar bapur cyn ei anfon yn ôl at y cleient.

Meysydd o Arbenigedd